Թողարկվել է ONLYOFFICE Docs 9.4-ը՝ լիցենզիայի թարմացում, Մուգ Փաստաթուղթ ռեժիմ աղյուսակների համար, հորիզոնական գծեր, նոր թեմաներ, սլայդների անցումներ և ավելին։

ONLYOFFICE Docs-ի նոր տարբերակն արդեն հասանելի է՝ բազմաթիվ նոր ֆունկցիաներով և բարելավումներով ամբողջ փաթեթում։ Տեսնենք, ինչ նորություններ է բերում այս թողարկումը։

Լիցենզավորման կարևոր թարմացում

Մենք թարմացրել ենք լիցենզավորման պայմանները՝ ապահովելու առավել մեծ հստակություն և համապատասխանություն։ Ծրագրային ապահովումը լիցենզավորված է GNU Affero General Public License v3.0 (AGPLv3) լիցենզիայով՝ լրացուցիչ պայմաններով, որոնք պետք է ներառվեն բոլոր պատճեններում և տարածվող տարբերակներում։

Այս պայմանները շեշտադրում են ճիշտ վերագրումը, հեղինակային իրավունքի ծանուցումների պահպանումը և փոփոխված տարբերակների հստակ նշումը։ Թեև լիցենզիան թույլ է տալիս կատարել փոփոխություններ, այն չի տրամադրում ONLYOFFICE ապրանքային նշանների օգտագործման իրավունք, քանի որ դրանք կարգավորվում են առանձին Trademark Policy-ով։

Community տարբերակի օպտիմիզացում՝ առանց միաժամանակյա կապերի սահմանափակման

Օգտատերերի արձագանքների հիման վրա մենք օպտիմիզացրել ենք ONLYOFFICE Docs-ի Community տարբերակը՝ ապահովելով ավելի արդյունավետ և հասանելի աշխատանքային փորձ։ Հիմնական բարելավումները ներառում են՝

• Բարելավված ընթեռնելիություն՝ հեռացվել է կոդի մինիֆիկացիան, ինչը հեշտացնում է կոդի ուսումնասիրությունն ու աշխատանքը դրա հետ։
• Պարզեցված ճարտարապետություն՝ համակարգը միավորվել է մեկ գործընթացի մեջ՝ ռեսուրսների սպառումը նվազեցնելու, արտադրողականությունը բարձրացնելու և ավելորդ կախվածությունները վերացնելու համար։
• Թեթև աշխատանքային միջավայր՝ հեռացվել են RabbitMQ-ի և տվյալների բազաների կախվածությունները, ինչը թույլ է տալիս ծրագրին սահուն աշխատել նույնիսկ ոչ հզոր համակարգիչների վրա։

9.4 տարբերակից սկսած՝ բաց ծածկագրով Community տարբերակում այլևս չկա 20 միաժամանակյա կապերի սահմանափակումը։

Փորձեք տարբերությունն այսօր։ Փորձարկեք նոր Community տարբերակը և բացահայտեք, թե ինչպես կարող է ONLYOFFICE փաստաթղթերը վերափոխել ձեր համագործակցությունը։

Հորիզոնական գծեր՝ ավելի լավ կառուցվածքի համար

Մեր սոցիալական համայնքի կողմից ամենաշատ պահանջված ֆունկցիաներից մեկը արդեն հասանելի է։

Տեսողական կառուցվածքը կարևոր դեր ունի՝ հատկապես ծավալուն հաշվետվություններ կամ առաջարկներ ձևավորելիս։ Այժմ կարող եք հեշտությամբ ավելացնել հորիզոնական գծեր՝ բաժիններն առանձնացնելու և փաստաթղթի ընթեռնելիությունը բարելավելու համար։

Ինչպես գտնել՝ անցեք Գլխավոր ներդիր և սեղմեք Սահմաններ կոճակը։

Ձևաթղթերի կառավարման պարզեցում

Թվային ձևաթղթերը կարևոր դեր ունեն տվյալների հավաքագրման, պայմանագրերի և ներքին հարցումների գործընթացներում։ 9.4 տարբերակում մենք ամբողջությամբ բարելավել ենք ձևաթղթերի լրացման փորձը՝ խնայելու ձեր ժամանակը և նվազեցնելու կրկնվող գործողությունները։

Ներկառուցված ստացողների նշանակման և լրացման կարգավիճակի հետևում

Նախկինում ձևաթղթերի ստացողների կառավարումը պահանջում էր լրացուցիչ քայլեր խմբագրման միջավայրից դուրս։ Այժմ կարող եք անմիջապես խմբագրիչների ներսում նշանակել կոնկրետ ստացողներ և հետևել ձևաթղթերի լրացման կարգավիճակին։ Այս կենտրոնացված մոտեցումը ձևաթղթերի բաշխումն ու լրացման վերահսկումը դարձնում է ավելի հարմար և ինտուիտիվ։

Խելացի ստորագրության պահպանում

Մի քանի փաստաթուղթ ստորագրելիս հաճախ անհրաժեշտ էր ամեն անգամ կրկին ներբեռնել նույն ստորագրության նկարը։ Այժմ ստորագրության դաշտն ավտոմատ կերպով օգտագործում է վերջին ընտրված պատկերը ձևաթուղթը լրացնելիս։ Այս փոքր, բայց կարևոր բարելավումը նվազեցնում է կրկնվող գործողությունները և արագացնում ամբողջ ստորագրման գործընթացը։

Աղյուսակներ՝ Մուգ Փաստաթուղթ ռեժիմ

Երկար ժամանակ լուսավոր և սպիտակ աղյուսակների հետ աշխատելը կարող է հոգնեցնել աչքերը։ Օգտագործման հարմարավետությունն ու էրգոնոմիկան բարելավելու համար Աղյուսակների Խմբագիրն այժմ աջակցում է հատուկ Մուգ Փաստաթուղթ ռեժիմ։

Եթե խմբագիրներում ակտիվացված է ընդհանուր Մուգ թեման, կարող եք նաև համապատասխանեցնել աղյուսակի աշխատանքային դաշտը՝ միացնելով մուգ ֆոնը։ Սա նվազեցնում է լույսի շողարձակումը և ապահովում է ավելի հարմարավետ աշխատանք հատկապես թույլ լուսավորության պայմաններում։

Ինչպես գտնել՝ Մուգ թեման միացնելուց հետո բացեք Դիտել ներդիրը։

Ներկայացումների դինամիկ թարմացումներ

Ներկայացումները պետք է անմիջապես գրավեն ուշադրությունը։ Այդ պատճառով մենք ընդլայնել ենք Ներկայացումների Խմբագրի ստեղծագործական գործիքակազմը, որպեսզի կարողանաք ավելի արագ ստեղծել պրոֆեսիոնալ սլայդներ։

25 նոր պատրաստի թեմաներ

Դատարկ սլայդից սկսելը հաճախ դանդաղեցնում է աշխատանքը։ Այժմ ավելացվել են 25 նոր, պրոֆեսիոնալ ձևավորված թեմաներ, որոնք կօգնեն արագ սկսել ձեր ներկայացումները։ Դրանք հարմար են ինչպես բիզնես, այնպես էլ ստեղծագործական տարբեր սցենարների համար։

Ինչպես գտնել՝ բացեք Դիզայն ներդիրը և դիտեք նոր թեմաների ընտրանին։

20 նոր անցումներ սլայդների համար

Սահուն անցումներն օգնում են պահպանել լսարանի ուշադրությունը՝ մեկ գաղափարից մյուսին անցնելիս։ Այժմ հասանելի են ևս 20 նոր սլայդային անցումներ։ Օգտագործեք այս դինամիկ էֆեկտները ձեր հաջորդ ներկայացմանը կամ վեբինարին ավելի պրոֆեսիոնալ և ժամանակակից տեսք հաղորդելու համար։

Ինչպես գտնել՝ բացեք Անցումներ ներդիրը և ուսումնասիրեք նոր էֆեկտները։

Խմբագիրների ընդհանուր բարելավումներ

Առանձին մոդուլներից բացի, ONLYOFFICE Docs 9.4-ը ներառում է նաև ամբողջ փաթեթի թարմացումներ, որոնք օգտակար են համակարգչային, վեբ և բջջային միջավայրերում աշխատող բոլոր օգտատերերի համար։

Առանձնացված Դիագրամի Դիզայն ներդիր

Վեբ խմբագիրներում գրաֆիկների կարգավորումն այժմ դարձել է ավելի պարզ և հարմար։ Գրաֆիկների հետ կապված բոլոր կարգավորումները տեղափոխվել են առանձին Դիագրամի Դիզայն ներդիր։ Այս միասնական միջավայրը թույլ է տալիս հեշտությամբ խմբագրել և հարմարեցնել տվյալների վիզուալիզացիան՝ առանց տարբեր մենյուներում անհրաժեշտ գործիքներն որոնելու։

Խորվաթերեն ինտերֆեյսի աջակցություն

Մենք շարունակաբար աշխատում ենք, որպեսզի ONLYOFFICE-ը հասանելի լինի ավելի շատ օգտատերերի ամբողջ աշխարհում։ 9.4 տարբերակում ավելացվել է խորվաթերեն ինտերֆեյսի ամբողջական աջակցություն (hr-HR, Hrvatska), ինչը տարածաշրջանի օգտատերերին հնարավորություն է տալիս աշխատել համակարգում իրենց մայրենի լեզվով։

Ընդլայնված Տեղադրել տարբերակներ

Արտաքին բովանդակություն ձեր աշխատանքային տարածք բերելը չպետք է խաթարի ձեր ձևաչափումը: Մենք ընդլայնել ենք տեղադրման տարբերակները համակարգչային հավելվածում* գտնվող փաստաթղթերի, PDF-ի և ներկայացումների խմբագիրներում: Այժմ դուք վայելում եք ավելի մեծ ճկունություն և ճշգրտություն հարուստ տեքստ, աղյուսակներ և խառը մեդիա տեղադրելիս:

Ձեռքով պահպանման հնարավորություն բջջային տարբերակում

Երբեմն կարևոր է ամբողջությամբ վերահսկել, թե երբ է փաստաթուղթը պահպանվում, հատկապես անկայուն բջջային կապի դեպքում։ Այդ պատճառով ONLYOFFICE-ի բջջային հավելվածներում* (iOS և Android), ինչպես նաև բջջային վեբ տարբերակում ավելացվել է առանձին Պահպանել կոճակ։ Սա թույլ է տալիս ամբողջությամբ անջատել Ավտոմատ Պահպանելը և պահպանել աշխատանքը միայն այն ժամանակ, երբ դուք պատրաստ լինեք։

*Նշում՝ բջջային և համակարգչային հավելվածների թարմացումները հասանելի կլինեն մի փոքր ավելի ուշ։

Թարմացումներ ձեռնարկությունների ադմինիստրատորների և մշակողների համար

ONLYOFFICE-ի տեղակայմամբ զբաղվող ադմինիստրատորների և անհատական ինտեգրացիաներ մշակող ծրագրավորողների համար 9.4 տարբերակը ներկայացնում է ավելի լայն կառավարման հնարավորություններ և ընդլայնված API-ներ։

SharePoint-ի համար ընդլայնված WOPI կարգավորումներ

Docs Enterprise օգտագործող համակարգային ադմինիստրատորները Ադմին պանելում այժմ կարող են օգտվել նոր կարգավորումներից։ Ավելացվել են հատուկ WOPI պարամետրեր, որոնք նախատեսված են SharePoint-ի հետ համատեղելիությունն ավելի արդյունավետ դարձնելու համար։ Այժմ հնարավոր է հեշտությամբ համաժամեցնել անհրաժեշտ WOPI Zone-ը և, անհրաժեշտության դեպքում, անմիջապես կառավարման վահանակից ակտիվացնել Ավտորիզացիայի վերնագրի փոխանցումը։

API և Doc Builder-ի բարելավումներ

Մշակողները այժմ կարող են օգտվել նոր ֆունկցիաներից շնորհիվ ընդլայնված  API-ի։ Ավելացվել են նոր մեթոդներ՝ ձևաթղթերի, հատուկ պլագինների և պարբերությունների մանրամասն կարգավորումների հետ աշխատելու համար։ Բացի այդ, ներդրվել են նոր Doc Builder դասեր և մեթոդներ, որոնք նախատեսված են ձևաչափված աղյուսակների մշակման և կառավարման համար։

Կիսվեք ձեր գաղափարներով և ձևավորեք ONLYOFFICE-ի ապագան

Կիսվեք ձեր մտքերով, առաջարկներով և գաղափարներով, թե ինչպես կարող ենք բարելավել մեր լուծումները և ձեր աշխատանքային փորձը դարձնել ավելի արդյունավետ։ Ձեր կարծիքը կարևոր է մեզ համար, ուստի այցելեք մեր համայնքի ֆորում և թողեք ձեր առաջարկներն արդեն այսօր։

ԹՈՂՆԵԼ ԿԱՐԾԻՔ

Ինչպես օգտագործել նոր ֆունկցիաները

Դիտեք մեր տեսանյութը՝ տեսնելու համար, թե ինչպես են աշխատում նոր ֆունկցիաները։

Ներբեռնեք ONLYOFFICE Docs 9.4-ը

Ներբեռնեք ONLYOFFICE Docs 9.4-ի ինքնահոսթինգ տարբերակը։

ՆԵՐԲԵՌԵԼ ՀԻՄԱ

Ամպային լուծումներում նոր տարբերակը հասանելի կլինի մի փոքր ավելի ուշ։ Հետևեք նորություններին։