ONLYOFFICE Համակարգչային Խմբագրերը պաշտոնապես հանդիսանում է ShaniOS-ի լռելյայն գրասենյակային փաթեթը

Այս հոդվածում մենք կպատմենք ձեզ ShaniOS-ի մասին՝ Arch Linux-ի վրա հիմնված Linux բաշխում, որը բերում է ձեռնարկությունների DevOps գործելակերպը համակարգչային միջավայր և իր օգտատերերին առաջարկում է ONLYOFFICE Համակարգչային Խմբագիրն որպես լռելյայն գրասենյակային փաթեթ։

ShaniOS-ի մասին

ShaniOS-ը նոր սերնդի Linux բաշխում է՝ հիմնված Arch Linux-ի վրա, որը ստեղծվել է Շրինիվաս Վիշնու Կումբհարի կողմից (Garuda Linux-ի հիմնադիր)։ ShaniOS-ը համակարգի արտադրողականությունն ու հուսալիությունը հասցնում է նոր մակարդակի՝ իր հեղափոխական blue-green տեղակայման արխիտեկտուրայի շնորհիվ, որը ապահովում է ատոմային թարմացումներ, ակնթարթային հետադարձ վերադարձ (rollback) և նախագծմամբ ապահովված համակարգի ամբողջականություն։

Օպերացիոն համակարգն օգտատերերին տրամադրում է ամբողջական ծրագրային միջավայր առօրյա բոլոր կարիքների համար՝ լինի դա ծրագրավորում, ժամանց, խաղեր կամ մասնագիտական ծանրաբեռնված աշխատանքներ։ Ամեն ինչ աշխատում է անմիջապես տեղադրումից հետո և չի պահանջում լրացուցիչ կարգավորում։

ShaniOS-ը համատեղելի է համակարգչային մի շարք միջավայրերի հետ, ներառյալ GNOME-ը, KDE Plasma-ն և այլն, և յուրաքանչյուր տարբերակ ներառում է անհատական թեմաներ, արտադրողականության բարելավումներ և լռելյայն հավելվածների հավաքածու։

ShaniOS-ի տեսլականը ներկայացնում է Linux-ի օպտիմալացման երկարամյա փորձի արդյունքը՝ ապահովելով համակարգ, որը միաժամանակ ավելի արագ է, ավելի անվտանգ և փաստացի անխափան, իսկ համակարգի թարմացումները կատարվում են ֆոնային ռեժիմում՝ ոչ ակտիվ բաժնի վրա։

Ինչպես գործարկել ONLYOFFICE Համակարգչային Խմբագիրը ShaniOS-ում

ONLYOFFICE Համակարգչային Խմբագիրը նախապես տեղադրված է ShaniOS-ում՝ որպես լռելյայն գրասենյակային փաթեթ։ Քանի որ օպերացիոն համակարգը հավելվածների կառավարման համար օգտագործում է Flatpak, ONLYOFFICE հավելվածը աշխատում է sandbox միջավայրում՝ ճիշտ XDG պորտալ ինտեգրմամբ։ Այն ամբողջությամբ մեկուսացված է համակարգի անփոփոխ (immutable) միջուկից, միաժամանակ ունենալով հասանելիություն /home թղթապանակում գտնվող փաստաթղթերին։ Սա ապահովում է առավելագույն կայունություն և անվտանգություն։

ONLYOFFICE Համակարգչային Խմբագիրը կարելի է գործարկել երեք տարբերակով՝

Տարբերակ 1։ Հավելվածների մենյու (խորհուրդ է տրվում)

Հավելվածը գործարկելու համար պարզապես բացեք հավելվածների մենյուն, որոնման դաշտում մուտքագրեք «ONLYOFFICE» և սեղմեք ONLYOFFICE Համակարգչային Խմբագրի պատկերակի վրա։ Այլընտրանքային տարբերակով կարող եք անցնել Office (Գրասենյակ) կատեգորիա և այնտեղ գտնել ONLYOFFICE Համակարգչային Խմբագրիը։

Տարբերակ 2։ Տերմինալ

ONLYOFFICE Համակարգչային Խմբագիրը կարելի է գործարկել հետևյալ հրամանով՝

flatpak run org.onlyoffice.desktopeditors

Տարբերակ 3։ Ֆայլի ուղիղ բացում

Եթե պարզապես կրկնակի սեղմեք աջակցվող ցանկացած փաստաթղթի վրա (DOCX, XLSX, PPTX և այլն), ShaniOS-ն ավտոմատ կերպով կբացի այն ONLYOFFICE-ում՝ որպես լռելյայն գրասենյակային հավելված։

Հիմնական ֆունկցիաները

ONLYOFFICE Համակարգչային Խմբագրի միջոցով ShaniOS-ի օգտատերերը կարող են՝

• Բացել և խմբագրել տեքստային փաստաթղթեր, աղյուսակներ և ներկայացումներ,
• Ստեղծել և լրացնել PDF ձևաթղթեր,
• Մեկնաբանել և մասամբ թաքցնել (redact) PDF ֆայլերի բովանդակությունը,
• Դիտել Microsoft Visio-ի դիագրամներ,
• Օգտվել պատրաստի ձևանմուշներից տարբեր նպատակների համար,
• Միացնել պլագիններ՝ նոր ֆունկցիաներ ավելացնելու համար, օրինակ՝ Photo Editor, Icons, LanguageTool, draw.io, Zotero, DeepL և այլն,
• Ակտիվացնել ներկառուցված ԱԲ Օգնականը և ԱԲ Գործակալները՝ տեքստային բովանդակության ստեղծման և այլ հաճախակի առաջադրանքների համար, ինչպիսիք են թարգմանությունը, քերականության ուղղումը, գաղափարների գեներացումը և այլն,
• Միացնել ONLYOFFICE DocSpace-ը, Nextcloud-ը, Seafile-ը, ownCloud-ը, Liferay-ը, kDrive-ը և Moodle-ը՝ իրական ժամանակում համատեղ աշխատանքի և այլ հնարավորությունների համար։

Շրինիվաս Վիշնու Կումբհար, մշակողը՝

Մենք ընտրեցինք ONLYOFFICE-ն որպես ShaniOS-ի լռելյայն գրասենյակային փաթեթ, քանի որ այն լիովին համընկնում է մեր մոտեցման հետ՝ տրամադրելու մասնագիտական մակարդակի գործիքներ, որոնք պարզապես աշխատում են։ ONLYOFFICE-ն ապահովում է բացառիկ համատեղելիություն Microsoft Office-ի հետ՝ աջակցելով բոլոր տարածված ձևաչափերին, ներառյալ DOCX, XLSX, PPTX և PDF ֆայլերը։ Օգտատերերը կարող են ստեղծել փաստաթղթեր, աղյուսակներ, ներկայացումներ և նույնիսկ լրացնել PDF ձևաթղթեր՝ բոլորը մեկ փաթեթում։

ONLYOFFICE-ն արագ է, սահուն աշխատում է բարդ փաստաթղթերի հետ, իսկ բազմալեզու աջակցությունը կատարյալ կերպով համադրվում է մեր IBus մուտքագրման մեթոդի և տառատեսակների համապարփակ հավաքածուի հետ։ Արագ տպման ֆունկցիան անթերի աշխատում է մեր նախապես կարգավորված տպիչների հետ, իսկ պլագիններ էկոհամակարգն անհրաժեշտության դեպքում ընդլայնում է հնարավորությունները։ Այն ներկայացնում է Linux-ում արտադրողականության ապագան՝ մասնագիտական գրասենյակային հնարավորություններ առանց մատակարարից կախվածության (vendor lock-in)։

Ձեռք բերեք ONLYOFFICE Համակարգչային Խմբագրերը ձեր օպերացիոն համակարգի համար

Ցանկանու՞մ եք փորձել ONLYOFFICE Համակարգչային Խմբագիրը։ Ներբեռնեք վերջին տարբերակը Linux, Windows և macOS համակարգերի համար մեր կայքից՝

ՆԵՐԲԵՌՆԵԼ ՀԻՄԱ

Որպես այլընտրանք, կարող եք ներբեռնել հավելվածը Linux-ի համար՝ օգտագործելով  Flathub և  Snapcraft։ Windows-ի համար հավելվածը հասանելի է նաև Microsoft Store-ում։