Ինչպես է Equal Rights Beyond Borders կազմակերպությունն ապահովում մարդու իրավունքները ONLYOFFICE-ի և Nextcloud-ի միջոցով

Ոչ առևտրային Equal Rights Beyond Borders կազմակերպությունն ինտեգրել է ONLYOFFICE Docs-ը Nextcloud-ի հետ՝ ժամանակի սղության պայմաններում արդյունավետ փաստաթղթային համագործակցություն ապահովելու համար։ Գործադիր տնօրեն Ռոբերտ Նեսթլերը պատմում է իրենց փորձի մասին։

Equal Rights Beyond Borders-ի մասին

Equal Rights Beyond Borders-ը հունա-գերմանական մարդու իրավունքների կազմակերպություն է, որը պաշտպանում է փախստականների և ապաստանի դիմորդների իրավունքները Հունաստանում, Գերմանիայում և ամբողջ ԵՄ-ում։ 2017 թվականից կազմակերպությունը ճանաչված է որպես ոչ առևտրային։

Միջազգային և բազմալեզու թիմը ներառում է մարդու իրավունքների պաշտպանությամբ զբաղվող փաստաբաններ, իրավաբաններ և թարգմանիչներ։ Նրանք աշխատում են Աթենքի և Բեռլինի գլխավոր գրասենյակներում, ինչպես նաև Խիոս և Կոս կղզիներում տեղակայված մասնաճյուղերում։

Equal Rights Beyond Borders-ը բոլոր ծառայությունները տրամադրում է անվճար, քանի որ կազմակերպությունը հավատում է, որ յուրաքանչյուր մարդ պետք է ճանաչի իր իրավունքները և հնարավորություն ունենա օգտվելու բարձրակարգ իրավաբանական աջակցությունից։

Կազմակերպության անդամները կանգնած են փախստականների կողքին՝ պայքարելով անպատշաճ կենսապայմանների դեմ Հունաստանի փախստականների ճամբարներում, ապօրինի ազատազրկումների և արտաքսումների դեմ։ Նրանք պաշտպանում են ընտանիքների վերամիավորումն աշխարհի տարբեր անկյուններից դեպի Գերմանիա և այլ ԵՄ երկրներ։

Կազմակերպության գործունեության կենտրոնում են անհատական գործերի վարումը և ռազմավարական դատավարությունները Հունաստանի, Գերմանիայի և Եվրոպական դատարաններում։

Ճանապարհ դեպի ONLYOFFICE

Ինչպես նշում է Ռոբերտ Նեսթլերը, նրանք երկար ժամանակ փնտրում էին ինքնահոսթինգով օֆիսային փաթեթի այլընտրանք, որը հեշտությամբ կգործի առցանց իրենց ՏՏ էկոհամակարգում։ Կազմակերպության համար կարևոր է նաև անվտանգության ասպեկտը։ Նպատակային ուսումնասիրությունների ընթացքում նրանք ծանոթացել են ONLYOFFICE-ին։

Այդ պատճառով նրանք հաստատեցին Nextcloud-ն որպես թիմային համագործակցության կենտրոնական բաղադրիչ և այնտեղ կարողանում են սահուն ու ինտուիտիվ կերպով օգտագործել նաև ONLYOFFICE-ը։

Ընդհանուր առմամբ, ONLYOFFICE-ի ինտեգրացիան Nextcloud-ի հետ Equal Rights Beyond Borders կազմակերպությունում անցել է հաջողությամբ։ Ռոբերտ Նեսթլերը, կիսվելով իր կարծիքով, նշել է իրենց ցանկությունները՝ Nextcloud-ի ավելի կոմպակտ վերնագիր ONLYOFFICE Docs-ում, ինչպես նաև իրական ժամանակիռեժիմի առկայություն համակարգչային հավելվածում։

Արդյունավետ համագործակցություն և հեշտ անցում

Բոլոր աշխատակիցներն այժմ կարող են շատ ավելի սահուն և ինտուիտիվ կերպով համագործակցել Word, Excel և PowerPoint փաստաթղթերի վրա։ Միևնույն ժամանակ, ֆայլերը կարելի է պահպանել .docx, .xlsx և .pptx ձևաչափերով և խմբագրել համակարգչում MS Word-ով՝ նրանց համար, ում համար դա ավելի հարմար է։

Բացի այդ, ամբողջ ինտերֆեյսը և կառուցվածքն աշխատակիցներին հիշեցնում է Word-ը։ Սա զգալիորեն հեշտացնում է անցման գործընթացը և արագացնում նոր միջավայրին ընտելանալը։

Ամենապահանջված ֆունկցիաները

Ռոբերտ Նեսթլերի խոսքով, իրենց համար ONLYOFFICE-ի առավել օգտակար հնարավորությունները հետևյալն են՝

• Նախ և առաջ՝ տեքստերի խմբագրումը (Word-ի այլընտրանք),
• Excel-ի այլընտրանք,
• PowerPoint-ի այլընտրանք,
• Փաստաթղթերի ձևանմուշները կենտրոնացված կերպով Nextcloud-ում պահելու և դրանք ONLYOFFICE-ով օգտագործելու հնարավորություն։

Երբեմն նրանք նաև օգտագործում են ONLYOFFICE Ձևաթղթերը, սակայն ոչ հաճախ։

Ռոբերտ Նեսթլեր, գործադիր տնօրեն՝

ONLYOFFICE-ը զգալիորեն պարզեցրել է մեր աշխատանքը՝ մեզ համար չափազանց կարևոր է, որ համագործակցությունը լինի արդյունավետ և իրական ժամանակում, և որ մենք կարողանանք վստահել այդ գործընթացին։ Մենք հաճախ աշխատում ենք ժամանակի սղության պայմաններում և չենք կարող թույլ տալ, որ տեխնոլոգիական խոչընդոտները խանգարեն ժամկետները պահպանելուն։ Բացի այդ, մեր գործընկերները միշտ չէ, որ ՏՏ ոլորտի մասնագետներ են։ Օգտագործման պարզությունն ու ծանոթ օֆիս ծրագրերին նմանությունը մեծապես օգնում են մեզ՝ ապահովելով նաև լրացուցիչ անվտանգություն և վստահություն, որ մենք ենք որոշում՝ ով կարող է տեսնել մեր տվյալները և ով՝ ոչ։

Դիտեք այս տեսանյութը և ոգեշնչվեք Equal Rights Beyond Borders կազմակերպության փորձով։