Գործընկերներ, որոնք մասշտաբավորվել են մեզ հետ

ONLYOFFICE-ի 16-ամյակին նվիրված հոդվածաշարում կան հրապարակումներ, որոնք պատմում են մեր պատմությունը, կենտրոնանալով արտադրանքի թողարկումների, տարբերակների և գործառույթների ցանկի վրա։ Այդ պատմությունը գոյություն ունի և այն կարևոր է։ Սակայն կա նաև մեկ այլ պատմություն, մարդկանց և կազմակերպությունների մասին, որոնք որոշեցին զարգանալ մեզ հետ միասին, և այն մասին, թե ինչ եղավ այդ որոշումից հետո։ Հենց այդ պատմության մասին է այս հոդվածը։

Տասնվեց տարի անց ONLYOFFICE-ը համագործակցում է 335 գործընկերների հետ, աշխարհի գրեթե 100 երկրներում։ Նրանցից ոչ բոլորն են եղել մեզ հետ հենց սկզբից։ Շատերը հնարավորություն տվեցին մեր վաղ ինտեգրումներից մեկին, բացահայտեցին դրա հնարավորությունները և շարունակեցին համագործակցությունը։ Ոմանք օգնեցին մեզ հասկանալ, թե ինչպիսին պետք է դառնա մեր արտադրանքը։ Իսկ մի քանիսը ապացուցեցին մի կարևոր բան` երբ բաց ծածկագրով համագործակցության գործիքներն արդյունավետ են աշխատում միասին, դրանք կարող են հասնել այնպիսի մարդկանց և շուկաների, որոնց որևէ ընկերություն միայնակ չէր կարող հասնել։ Ահա այդ պատմություններից երեքը։

PowerFolder՝ այստեղ սկսվեց մասշտաբավորումը

Երբ 2016 թվականին Դյուսելդորֆում հիմնված ձեռնարկությունների համար համաժամացման և ֆայլերի անվտանգ փոխանակման հարթակ PowerFolder-ը (dal33t GmbH) դիմեց մեզ, մենք դեռ նոր էինք ցույց տալիս, թե ինչ հնարավորություններ ունի ONLYOFFICE Integration Edition-ը։ Այդ ժամանակ PowerFolder-ն արդեն վստահելի անուն էր Գերմանիայի բարձրագույն կրթության ոլորտում, հազարավոր ընկերություններ և գերմանական համալսարանների մեծամասնությունն օգտագործում էին նրանց հարթակը, տվյալներն անվտանգ պահելու և փոխանակելու համար։

Մանրակրկիտ գնահատման փուլից հետո PowerFolder-ի թիմը որոշեց ինտեգրել ONLYOFFICE Document Editors-ը անմիջապես իր համաժամացման և ֆայլերի փոխանակման հարթակում։ Պատճառը պարզ էր, նրանց անհրաժեշտ էր Microsoft Office ձևաչափերի լիարժեք համատեղելիություն, որը կաշխատեր արդեն գոյություն ունեցող ինտերֆեյսում առանց օգտատերերից լոկալ ծրագրի տեղադրում պահանջելու։ Այդ որոշման արդյունքը շատ արագ փորձնական փուլից անցավ իրական կիրառման։

2017 թվականին Կարլսրուեի տեխնոլոգիական ինստիտուտը (Karlsruhe Institute of Technology, KIT)՝ Եվրոպայի ինժեներական և բնական գիտությունների խոշորագույն հետազոտական համալսարաններից մեկը, որն ունի շուրջ 9 300 աշխատակից և 25 000 ուսանող, ավարտեց իր փորձարկումները և ներդրեց ONLYOFFICE-ը որպես bwSync&Share ծառայության բաղադրիչ։ Սա Բադեն-Վյուրթեմբերգի բոլոր բարձրագույն ուսումնական հաստատությունների համար նախատեսված միասնական առցանց պահեստավորման ծառայությունն է։

Այդ պահից սկսած Բադեն-Վյուրթեմբերգի բարձրագույն ուսումնական հաստատությունների բոլոր ուսանողներն ու աշխատակիցները, ինչպես նաև Ռոստոկի համալսարանի օգտատերերը, կարող էին անմիջապես իրենց բրաուզերում բացել, խմբագրել և համահեղինակել փաստաթղթեր, աղյուսակներ և ներկայացումներ, առանց որևէ լոկալ ծրագիր տեղադրելու։ Բոլոր փոփոխությունները տեսանելի էին իրական ժամանակում, իսկ յուրաքանչյուր համահեղինակի կատարած փոփոխությունները ցուցադրվում էին տարբեր գույներով։

Այս ներդրումը հասավ հարյուր հազարավոր օգտատերերի և հաստատեց այն, ինչի մասին մենք վաղուց էինք ենթադրում, բայց ցանկանում էինք տեսնել իրական մասշտաբով, երբ համաժամացման և ֆայլերի փոխանակման հարթակն ու փաստաթղթերի խմբագիրը նախագծված են միասին աշխատելու համար հենց սկզբից, օգտատիրոջ փորձը զգալիորեն փոխվում է։ Եվ ոչ միայն տեխնիկական առումով, այլև գործնականում, մարդիկ իսկապես սկսում են օգտագործել այն։

PowerFolder-ն առաջին գործընկերներից էր, որն ապացուցեց, որ Integration Edition մոդելն արդյունավետ է։ Նրանց ամենամյա համաժողովը Դյուսելդորֆում դարձավ այն վայրը, որտեղ ONLYOFFICE-ի թիմը կարողացավ անձամբ հանդիպել հաճախորդներին, լսել նրանց հարցերը և հասկանալ, թե ինչ ուղղությամբ պետք է զարգացնել արտադրանքը։ Այդպիսի հետադարձ կապը հնարավոր չէ ստանալ միայն փաստաթղթերից։

ownCloud՝ գործընկերություն, որը ձևավորվեց բաց համագործակցության շնորհիվ

2017 թվականին ONLYOFFICE խմբագիրներն արդեն հասանելի էին ownCloud-ում՝ համայնքի կողմից մշակված կոնեկտորի միջոցով։ Օգտատերերն արդեն օգտագործում էին այս համադրությունը, այն քննարկվում էր տեխնիկական աջակցության թեմաներում, օգտատերերի ֆորումներում և արտացոլվում էր մեզ հասնող արձագանքներում։ Պահանջարկն առկա էր դեռևս մինչև պաշտոնական գործընկերության ձևավորումը։

Երբ 2018 թվականին ownCloud-ը, այն ժամանակ աշխարհի առաջատար բաց ծածկագրով ձեռնարկությունների ֆայլերի համաժամացման և փոխանակման հարթակներից մեկը, ավելի քան 200 000 տեղադրմամբ և 25 միլիոնից ավելի օգտատերերով, պաշտոնապես համագործակցություն հաստատեց ONLYOFFICE-ի հետ, դա ավելի շատ արդեն սկսված գործընթացի բնական շարունակությունն էր, քան նոր սկիզբ։

Այդ ժամանակ ownCloud-ի գործընկերությունների և դաշինքների ղեկավար Յորգ Էբերվայնը այսպես էր նկարագրում համագործակցության առավելությունները, այս համադրությունը թիմերին հնարավորություն էր տալիս ownCloud-ի ինտերֆեյսից իրական ժամանակում բացել և խմբագրել Microsoft Office ձևաչափերի փաստաթղթերը, անվտանգ փոխանակել աշխատանքային նյութերը և արդյունավետ համագործակցել, միաժամանակ պահպանելով զգայուն կորպորատիվ տվյալների նկատմամբ լիարժեք վերահսկողությունը։ Տարբերակների բախումները, կրկնօրինակ հակասող ֆայլերը և երկարատև հաստատման գործընթացները մնացին անցյալում։

Հաջորդ տարիների ընթացքում գործընկերությունը շարունակաբար խորացավ։ ONLYOFFICE–ownCloud կոնեկտորի յուրաքանչյուր նոր թարմացում ավելացնում էր նոր հնարավորություններ, ODF ձևաչափի աջակցություն, Mail Merge, տարբերակների պատմության ավելի հարմար ցուցադրում, ինչպես նաև թույլտվությունների ավելի լայն կարգավորումներ, ներառյալ վերանայման, մեկնաբանման և ձևաթղթերի լրացման  իրավունքները, որոնք համապատասխանում էին ձեռնարկությունների իրական պահանջներին։ Երկու թիմերն աշխատում էին ոչ միայն մարքեթինգային, այլև տեխնիկական մակարդակում։ Այդ զարգացման ընթացքը հստակ երևում է կոնեկտորի թողարկումների նշումներում։

ownCloud-ի հետ համագործակցությունը մեզ ցույց տվեց, որ պաշտոնական գործընկերությունը բարձրացնում է կատարված աշխատանքի որակը։ Ոչ թե այն պատճառով, որ լավ մտադրությունները դարձան պաշտոնական, այլ որովհետև ընդհանուր պատասխանատվությունն ապահովում է ավելի որակյալ և ամբողջական ինտեգրում։ Երբ երկու թիմերն էլ հավասարապես ներգրավված են և պատասխանատվություն են կրում արդյունքի համար, նույնիսկ ամենաբարդ ու հազվադեպ հանդիպող դեպքերը իրենց լուծումն են ստանում։

Մյունստերի համալսարանի sciebo ներդրումն ակադեմիական համայնքի կողմից օգտագործվող հետազոտական ամպային հարթակը, դարձավ այս համագործակցության ամենավառ օրինակներից մեկը։ Այն միավորում էր բաց ծածկագրով ենթակառուցվածքը, կրթական հաստատությունների տվյալների անվտանգության պահանջները և փաստաթղթերի համատեղ խմբագրումը մեկ միասնական լուծման մեջ, որը համատեղ մշակվում և աջակցվում էր երկու կազմակերպությունների կողմից, որոնք միասին պատասխանատվություն էին ստանձնել դրա հաջողության համար։

Հետագայում Չեխական հեռուստատեսությունը Google Docs-ը և Microsoft Office-ը փոխարինեց ownCloud-ի և ONLYOFFICE-ի համադրությամբ։ Հետազոտական հաստատությունները, մասնագիտական կազմակերպությունները և տարբեր ոլորտներում գործող թիմերը նույն ընտրությունն արեցին նույն հիմնական պատճառներով՝ վերահսկողություն, համատեղելիություն և արդյունավետ աշխատող արտադրանք։

SMC՝ ստեղծելով իրական մարդկանց համար, լուծելով իրական խնդիրներ

SMC Treviso S.R.L.-ն իտալական բաց ծածկագրով ընկերություն է։ Նրանք գտան ONLYOFFICE-ը, փորձելով գտնել լուծում, որը հնարավորություն կտար բրաուզերի միջոցով փաստաթղթեր խմբագրել Liferay  բովանդակության կառավարման էկոհամակարգում։ Liferay-ն արդեն ուներ մեծ տարածում ձեռնարկությունների պորտալների ոլորտում, սակայն դրանում փաստաթղթերի լոկալ խմբագրումը պահանջում էր այնպիսի լուծում, որը դեռ հասանելի չէր Liferay-ի շուկայում։

SMC-ն ստեղծեց այդ լուծումը։ Նրանց կոնեկտորը, որը մշակվել էր սեփական ինժեներական թիմի կողմից, հնարավորություն տվեց ստեղծել, խմբագրել և համահեղինակել փաստաթղթեր անմիջապես Liferay Փաստաթղթերի և Մեդիա Գրադարանում բրաուզերում, առանց վերջնական օգտատերերի համար որևէ լրացուցիչ տեղադրման անհրաժեշտության։ Այս կոնեկտորը մինչ օրս հասանելի է ONLYOFFICE-ի բրաուզերի էջում։

Գործընկերությունը, որը սկսվել էր մոտավորապես 2016 թվականին, միջազգային ճանաչում ստացավ, երբ SMC-ն կազմակերպեց Liferay Boot Camp միջոցառումը, որը տեղի ունեցավ Հռոմում 2019 թվականի մայիսին և համախմբեց ավելի քան 240 մասնակիցների, ներառյալ Liferay-ի գործընկերներին, ծրագրավորողներին, ներդրողներին և Իտալիայի բաց ծածկագրով համայնքի ներկայացուցիչներին։ ONLYOFFICE-ի թիմն այնտեղ ներկայացավ որպես SMC-ի հրավիրված հյուր, ներկայացնելով խմբագիրների հիմքում ընկած տեխնոլոգիաները, բաց API-ն և համատեղ աշխատանքի հնարավորությունները։ Դահլիճում հավաքված էին մարդիկ, որոնք ստեղծում էին նոր լուծումներ։

Այդպիսի լուծումներից մեկը SMC-ի կողմից մշակված Open Square Spaces նախագիծն էր, համատեղ աշխատանքային տարածքի հարթակ, որը կառուցված էր Liferay-ի հիման վրա, ինտեգրված ONLYOFFICE-ով։ Այն հատուկ նախատեսված էր իտալացի օգտատերերի համար, բովանդակությունը կառավարելու, բաժինների միջև հաղորդակցվելու և ցանկացած սարքից փաստաթղթերի վրա աշխատելու համար։

Երբ 2020 թվականին COVID-19 համավարակը սկսվեց, և հեռավար աշխատանքը դարձավ անհապաղ անհրաժեշտություն Իտալիայի կազմակերպությունների համար, SMC-ն և IBM-ը որոշեցին անվճար հասանելի դարձնել Open Square Spaces հարթակը IBM Cloud-ում։ ONLYOFFICE-ը նույնպես միացավ այդ նախաձեռնությանը։ Հարթակը իտալական ընկերություններին և կազմակերպություններին տրամադրեց պատրաստի հեռավար համագործակցության միջավայր, արագ և առանց ծախսերի հենց այն պահին, երբ դրա կարիքը կար։

Այդ պահը ցույց տվեց, թե իրականում ինչ է նշանակում երկարաժամկետ գործընկերությունը, դա պարզապես բիզնես պայմանավորվածություն չէ։ Դա միասին արձագանքելու և գործելու կարողություն է։ SMC-ն ONLYOFFICE տեխնոլոգիայի հիման վրա ստեղծել էր օգտակար լուծում, և երբ իրավիճակը պահանջեց, նրանք այն տրամադրեցին այն մարդկանց, ովքեր դրա կարիքն ունեին։ Գործիքներն արդեն պատրաստ էին, քանի որ անհրաժեշտ աշխատանքն իրականացվել էր դեռ տարիներ առաջ։

SMC-ի համագործակցությունը շարունակվում է մինչ օրս։ 2023 թվականին ONLYOFFICE Docs 7.3 -ի գործարկման միջոցառման ժամանակ նրանք ներկայացրեցին իրենց գործընկերային օգտագործման օրինակը, արտադրանքի նոր հնարավորությունների հետ միասին, անմիջապես օգտատերերին պատմելով, թե ինչպես է ինտեգրումն աշխատում իրական պայմաններում։

Ինչն է միավորում այս երեք պատմությունները

PowerFolder-ը հասավ Բադեն-Վյուրթեմբերգի, Ռոստոկի համալսարաններ և ավելի հեռու։ ownCloud-ը հասավ 25 միլիոն օգտատիրոջ և կազմակերպություններին, որոնք դրա կարիքն ունեին, տրամադրեց ձեռնարկությունների մակարդակի տվյալների վերահսկողություն։ SMC-ն ստեղծեց կոնեկտոր մի համայնքի համար, որը չուներ նման լուծում, այնուհետև օգտագործեց այն, գլոբալ ճգնաժամի ընթացքում բիզնեսներին կապի մեջ պահելու համար։

Յուրաքանչյուր դեպքում պատկերը նույնն էր՝ գործընկերը բացահայտեց, թե ինչի կարիք ունեն իր օգտատերերը, ONLYOFFICE տեխնոլոգիայի հիման վրա սկսեց լուծում ստեղծել և արդյունքում ստացավ մի բան, որը ոչ մի կազմակերպություն առանձին չէր կարող ստեղծել։

Ահա թե ինչ նկատի ունենք, երբ ասում ենք աճել միասին։ Սա պարզապես գործընկերների էջում տեղադրված լոգո չէ, այլ կազմակերպություններ են, որոնք ունեն ընդհանուր ուղղություն, կառուցում են միմյանց աշխատանքի հիման վրա և վերջում հասնում են մի կետի, որը սկզբում ոչ ոք չէր կանխատեսում։

Տասնվեց տարի անց ONLYOFFICE-ի շուրջ ձևավորված ցանց՝ 335 գործընկեր, գրեթե 100 երկիր և հարյուրավոր իրական ներդրումներ կրթության, ձեռնարկությունների, հետազոտության, պետական կառավարման և քաղաքացիական հասարակության ոլորտներում, ամենավառ ապացույցն է այն արդյունքների, որոնք տալիս է այս մոտեցումը։

Եթե ցանկանում եք դառնալ այս պատմության մի մասը, ուղարկեք ձեր գործընկերության հայտն այստեղ կամ գրեք մեզ՝ partners@onlyoffice.com հասցեով։
Այս հոդվածը ONLYOFFICE-ի 16-ամյակին նվիրված հոդվածաշարի մի մասն է՝ 16 հոդված, որոնք ներկայացնում են մեր ճանապարհը 2009 թվականին TeamLab-ի ստեղծումից մինչև այսօր միլիոնավոր օգտատերերի կողմից օգտագործվող հարթակը։ Շարունակեք ընթերցել։