Ներկայացնում ենք ONLYOFFICE DocSpace 3.6-ը՝ ԱԲ գործակալներով, որոնք ձեր ամենօրյա աշխատանքներին տալիս են խելացի աջակցության նոր մակարդակ

Ուրախությամբ հայտնում ենք ONLYOFFICE DocSpace 3.6-ի թողարկման մասին, որը ձեր աշխատանքային հոսքին տալիս է խելացի աջակցություն։ Այս տարբերակը ներկայացնում է ԱԲ գործակալներ և ներառում է ավելի քան 20 հարթակային բարելավումներ, որոնք նախատեսված են ձեր նախագծերը հեշտացնելու և արտադրողականությունը բարձրացնելու համար։ Եկեք տեսնենք, թե ինչ նորույթներ կան և ինչպես կարող եք օգտագործել այս հնարավորությունները ձեր աշխատանքային գործընթացը փոխելու համար։

Ահա ձեր նոր ԱԲ գործակալները

DocSpace 3.6-ի գլխավոր նորույթն ԱԲ գործակալների ներկայացումն է։ Այս կարևոր բարելավումը ձեր ամենօրյա առաջադրանքներին տալիս է խելացի աջակցության նոր մակարդակ՝ օգնելով ձեզ աշխատել ավելի արագ և արդյունավետ։

Դուք կարող եք արագ կարգավորել ԱԲ գործակաըլ՝ ըստ ձեր հատուկ պահանջների։ Մեկ անգամ կարգավորվելուց հետո կարող եք հաղորդակցվել ձեր ԱԲ օգնականի հետ հատուկ բաժնում։ Պարզապես հարցրեք կամ նկարագրեք ձեր անհրաժեշտությունները, և գործակալը պատրաստ է օգնելու։

ԱԲ-ն կարող է կատարել լայն շրջանակի առաջադրանքներ՝ աջակցելու ձեր նախագծերին՝

• Փաստաթղթերի վերլուծություն։ Ուսումնասիրեք փաստաթղթերը՝ ճշտության համար, առաջարկեք բարելավումներ կամ ամփոփեք հիմնական կետերը։
• Բովանդակության ստեղծում։ Ստեղծեք տեքստ,փնտրեք գաղափարներ կամ նախնական հաղորդագրություններ կազմեք ձեր հուշումներով։
• Որոնել տեղեկատվություն։ Որոնեք տեղեկություններ ինտերնետում և ձեր անհատական գիտելիքների բազայում։
• Ձեր DocSpace-ի կառավարում։ Կառավարեք ֆայլերը, կառուցեք սենյակները, ավելացրեք օգտատերեր և պահեք աշխատանքային տարածքը հարմար և մատչելի։
• Հրավիրված թիմակիցներ։ Համագործակցեք ձեր գործընկերների հետ անմիջապես ԱԲ գործակալի խոսակցության մեջ՝ ուժեղացնելով թիմային աշխատանքը ԱԲ-ով ղեկավարվող գործիքներով։

Սկսել ԱԲ գործակալի հետ

DocSpace-ում ԱԲ գործակալների միացումը պարզ է։ Նոր ԱԲ Կարգավորումներ բաժինը ձեր կենտրոնական հաբն է՝ բոլոր ԱԲ ֆունկցիոնալությունների կառավարման համար։ Ահա արագ դիտարկում, թե ինչպես սկսել։

1. Ավելացրեք ԱԲ պրովայդեր

ԱԲ գործակալներն* աշխատեցնելու համար անհրաժեշտ է կապ հաստատել ԱԲ պրովայդերի հետ։ Հուսալի կապի համար անհրաժեշտ է ունենալ ձեր ընտրած պրովայդերից ստացված API բանալի։

*Ներկայումս աջակցվում են հետևյալ պրովայդերները՝ OpenAI, Anthropic, TogetherAI և OpenRouter: Ապագա թողարկումներում կավելացվեն ավելի շատ տարբերակներ:

2. Միացրեք MCP սերվերը

Հաջորդը, միացրեք MCP սերվերը: Դուք կարող եք ակտիվացնել օգտագործման համար պատրաստ ONLYOFFICE DocSpace MCP սերվերը, որը թույլ է տալիս ԱԲ գործակալներին փոխազդել և կառավարել ձեր DocSpace-ի տարբեր տարրերը, ինչպիսիք են սենյակների ստեղծումը կամ ֆայլերի կազմակերպումը: Որպես այլ տարբերակ դուք կարող եք միացնել ցանկացած այլ MCP սերվեր՝ հնարավորությունները հետագայում բարելավելու համար:

3. Միացրեք վեբ որոնումը և գիտելիքների բազան

Ձեր ԱԲ հնարավորությունները ընդլայնելու համար միացրեք վեբ որոնման համակարգը: Այն թույլ է տալիս գործակալին անհրաժեշտության դեպքում տեղեկատվություն վերցնել ինտերնետից: Դուք պետք է նաև ակտիվացնեք գիտելիքների բազան: Համակարգը կցուցադրի ձեր փաստաթղթերը՝ թույլ տալով ԱԲ կատարել ինտելեկտուալ, հարցադրումների վրա հիմնված որոնումներ ձեր սեփական տվյալների միջոցով:

4. Ստեղծեք Ձեր առաջին գործակալը

Կարգավորումն ավարտվելուց հետո անցեք ԱԲ Գործակալ բաժին՝ ձեր առաջին գործակալը ստեղծելու համար: Տվեք նրան անուն, ծածկագիր և պիտակներ: Կարող եք նաև տրամադրել կոնկրետ հրահանգներ՝ նրա նպատակը սահմանելու համար, օրինակ՝ «Այս սենյակում չատերը նախատեսված են մեր ստարտափ նախագիծը քննարկելու համար: Խնդրում ենք մնալ թեմայի սահմաններում»:

Բացի այդ, դուք կարող եք սահմանել պահեստավորման քվոտաներ ձեր ԱԲ գործակալների համար, ինչը ձեզ կտա ավելի լավ վերահսկողություն հիշողության սպառման համար ձեր DocSpace-ում։

Որտեղ գտնել՝ Կարգավորումներ  ➙ Պահեստավորման կառավարում

5. Հրավիրեք կոնտակտներ

Հրավիրեք ձեր գործընկերներին և այլ համագործակիցներին ձեր ԱԲ գործակալ՝ միաժամանակ տրամադրելով համապատասխան մուտքի իրավունքներ՝

• Գործակալների կառավարիչներն ունեն լիակատար վերահսկողություն, ներառյալ կարգավորումների կառավարումը, օգտատերերին հրավիրելը և համօգտագործվող արդյունքների տարածքը վերահսկելը։
• Բովանդակության ստեղծողները կարող են խմբագրել ֆայլեր, վերբեռնել գիտելիքների բազայի բովանդակությունը և դիտել արդյունքները, բայց չեն կարող կառավարել օգտատերերին կամ կարգավորումները։
• Դիտողները ունեն միայն ընթերցման մուտք համօգտագործվող արդյունքների տարածք՝ առանց չատի կամ գիտելիքների բազայի մուտքի։

6. Մուտքագրեք և կառավարեք ձեր հուշումները

Պատկերացրեք, որ դուք աշխատում եք նոր պայմանագրի վրա։ Դուք կարող եք խնդրել ԱԲ գործակալին վերլուծել փաստաթուղթը ձեր գիտելիքների բազայից՝ ստուգելով քերականական սխալները և իրավական ճշգրտությունը նախքան այն գործընկերոջը ուղարկելը։

Երբ վերլուծությունն ավարտվի, ֆայլը կարող է պահպանվել Արդյունքների պահոցում, որտեղ կարող եք շարունակել խմբագրումը, համագործակցել ձեր թիմի հետ կամ կիսվել հանրային հղումով։

Պե՞տք է վերադառնալ նախորդ հուշումներին կամ արդյունքներին։ Պարզապես ցանկացած պահին բացեք Չատերի պատմությունը՝ արագ դիտման համար։

DocSpace-ում ԱԲ գործակալների ներուժը՝ ու՞մ է այն օգնում և ինչպե՞ս

Ստորև ներկայացված են մի քանի հետաքրքիր կիրառման դեպքեր ONLYOFFICE DocSpace-ի ԱԲ գործակալի համար, որոնք ցույց են տալիս, թե ինչպես կարող է այն փոխակերպել աշխատանքային գործընթացները տարբեր ոլորտների մասնագետների համար։

Իրավաբանական թիմեր՝ պայմանագրերի ստուգում և համապատասխանություն

• Ինչպես է օգնում։ Իրավաբանական մասնագետները կարող են օգտագործել ԱԲ գործակալին՝ վերլուծելու գիտելիքների բազայում պահված պայմանագրերը, ստուգելու քերականական սխալները, իրավական ճշգրտությունը և կանոնակարգերին համապատասխանությունը։ Այն ապահովում է, որ փաստաթղթերը լինեն ճշգրտված և առանց սխալների՝ մինչև հաճախորդներին կամ գործընկերներին ուղարկելը։
• Սցենար։ Իրավաբանը վերբեռնում է պայմանագրի սևագիրը, խնդրում ԱԲ-ին ընդգծել ոչ միանշանակ դրույթները և ստանում է առաջարկներ բարելավման համար։ Վերջնական տարբերակը պահվում է Արդյունքների պահոցում թիմային համագործակցության համար։

Ծրագրերի ղեկավարներ՝ թիմային աշխատանքի օպտիմալացում

• Ինչպես է օգնում։ Ծրագրերի ղեկավարները կարող են օգտագործել ԱԲ գործակալը, կազմակերպելու նախագծային ֆայլերը, ստեղծելու նոր սենյակներ կոնկրետ առաջադրանքների համար և գեներացնելու հանդիպումների ամփոփումներ կամ նախագծի թարմացումներ։
• Սցենար։ Մենեջերը խնդրում է ԱԲ-ին ամփոփել երկար հաշվետվությունը կարևոր գործողություններով, որպեսզի թիմը կարողանա արագ որոշումներ կայացնել։

Ուսուցիչներ՝ դասապլանների մշակում

• Ինչպես է օգնում։ Ուսուցիչները կարող են օգտագործել ԱԲ գործակալը՝ ստեղծելու հետաքրքիր դասապլաններ, գեներացնելու թեստեր կամ ամփոփելու ուսումնաշխարհային նյութեր։
• Սցենար։ Ուսուցիչը վերբեռնում է դասագրքի մի գլուխ և խնդրում ԱԲ-ին ստեղծել հարցաշար, հիմնված նյութի վրա, խնայելով ժամեր ձեռքով աշխատանքի վրա։

Մարքեթինգային թիմեր՝ բովանդակության ստեղծում և վերլուծություն

• Ինչպես է օգնում։ Մարքեթոլոգները կարող են օգտագործել ԱԲ գործակալը՝ գաղափարներ մշակելու, սոցիալական ցանցերի հրապարակումներ ստեղծելու կամ գիտելիքների բազայում պահված քարոզարշավների տվյալները վերլուծելու համար։
• Սցենար։ Մարքեթոլոգը խնդրում է ԱԲ-ին կազմել թվիթների շարք նոր արտադրանքի առաջխաղացման համար և այնուհետև թիմի հետ միասին խմբագրում է բովանդակությունը։

ՄՌ բաժիններ՝ քաղաքականությունների մշակում և հետադարձ կապի վերլուծություն

• Ինչպես է օգնում։ ՄՌ մասնագետները կարող են ստեղծել ընկերության քաղաքականություններ, վերլուծել աշխատակիցների հետադարձ կապը և մշակել ներգրավման փաստաթղթեր ԱԲ գործակալի օգնությամբ։
• Սցենար։ ՄՌ մենեջերը վերբեռնում է հարցումների արդյունքները և խնդրում ԱԲ-ին բացահայտել հիմնական միտումները և առաջարկել գործողությունների պլան։

Վաճառքի թիմեր՝ առաջարկների և ներկայացումների ստեղծում

• Ինչպես է օգնում։ Վաճառքի թիմերը կարող են օգտագործել ԱԲ գործակալին՝ ստեղծելու հաճախորդների առաջարկներ, պատրաստելու ներկայացումներ և վերլուծելու հաճախորդների տվյալները։
• Սցենար։ Վաճառքի մասնագետը խնդրում է ԱԲ-ին ստեղծել անհատականացված առաջարկ, հիմնված հաճախորդի նախասիրությունների և նախորդ փոխազդեցությունների վրա։

Հետազոտողներ՝ տվյալների վերլուծություն և ամփոփում

• Ինչպես է օգնում։ Հետազոտողները կարող են վերլուծել մեծ տվյալների հավաքածուներ, ամփոփել գիտական հոդվածներ և պատրաստել հաշվետվություններ ԱԲ գործակալի օգնությամբ։
• Սցենար։ Հետազոտողը վերբեռնում է մի քանի հոդված և խնդրում ԱԲ-ին քաղել հիմնական եզրակացությունները և կազմել համառոտ հաշվետվություն։

Միջոցառումների կազմակերպիչներ՝ առաջադրանքների կառավարում և հաղորդակցություն

• Ինչպես է օգնում։ Միջոցառումների կազմակերպիչները կարող են կազմակերպել գրաֆիկները, ստեղծել առաջադրանքների ցանկեր և շփվել մատակարարների հետ ԱԲ գործակալի միջոցով։
• Սցենար։ Կազմակերպիչը խնդրում է ԱԲ-ին ստեղծել առաջիկա կոնֆերանսի մանրամասն ժամանակացույց՝ ներառյալ մատակարարների ժամկետները և թիմի պարտականությունները։

Հաճախորդների աջակցության թիմեր՝ գիտելիքների բազայի օպտիմալացում

• Ինչպես է օգնում։ Աջակցության թիմերը կարող են օգտագործել ԱԲ գործակալը՝ վերլուծելու հաճախորդների հարցումները, բարելավելու ՀՏՀ(FAQ) փաստաթղթերը և գեներացնելու արագ պատասխաններ։
• Սցենար։ Աջակցման մասնագետը խնդրում է ԱԲ-ին վերանայել հաճախակի տրվող հարցերը և առաջարկել փոփոխություններ՝ ավելի հստակ դարձնելու համար։

Ֆրիլանսերներ՝ արտադրողականություն և կազմակերպում

• Ինչպես է օգնում։ Ֆրիլանսերները կարող են կառավարել իրենց նախագծերը, պատրաստել հաշիվ–ապրանքագրեր և կազմակերպել հաճախորդների ֆայլերը ԱԲ գործակալի օգնությամբ։
• ՍցենարԼ Ֆրիլանսերը խնդրում է ԱԲ-ին ստեղծել հաշիվ–ապրանքագրի ձևանմուշ և կազմակերպել նախագծի ֆայլերը հատուկ թղթապանակներում։

Ավելին, քան պարզապես ԱԲ՝ հետագա բարելավումներ

Չնայած ԱԲ գործակալները հիմնական նորույթն են, DocSpace 3.6-ը ներառում է բազմաթիվ այլ կատարելագործումներ՝ աշխատանքի փորձը բարելավելու համար։

• Խմբագիրների վերջին տարբերակը։ ԱԲ-ի միջոցով ուղղագրության և քերականության ստուգում, կարգավորելի ստեղներ, մակրո ձայնագրություն և այլն:
• Վերաձևավորված տվյալների ներմուծում։ Նոր տվյալների ներմուծման գործիքը ապահովում է ավելի հարթ և ինտուիտիվ փորձ։
• Նոր ֆորմատների աջակցություն։ DocSpace-ն այժմ աջակցում է HML ձևաչափին և թույլ է տալիս փոխարկել ներկայացումները TXT-ի։
• Դատարկ ֆայլերի վերբեռնում։ Ավելի մեծ ճկունության համար դուք այժմ ունեք դատարկ ֆայլեր վերբեռնելու հնարավորություն՝ ձեր նախագծերը զրոյից ստեղծելու համար:

Ինչպես օգտագործել նոր ֆունկցիաները

Դիտեք մեր անվճար մանրամասն վեբինարը՝ նոր ֆունկցիաներով աշխատելու համար։

Ձեռք բերեք ONLYOFFICE DocSpace 3. տարբերակը

Վերջին թարմացումն արդեն հասանելի է ամպային տարբերակում: Մուտք գործեք ձեր DocSpace՝ բոլոր նոր ֆունկցիաները փորձարկելու համար, կամ ստեղծեք անվճար հաշիվ, եթե նորեկ եք ONLYOFFICE DocSpace-ում:

ՍՏԵՂԾԵԼ ԱՆՎՃԱՐ ՀԱՇԻՎ

Ինքնահոսթինգի համար նոր տարբերակը հասանելի կլինի մի փոքր ավելի ուշ։ Մնացեք մեզ հետ։

Կերտեք ONLYOFFICE-ի ապագան ձեր գաղափարներով

Կիսվեք ձեր մտքերով, առաջարկներով և գաղափարներով այն մասին, թե ինչպես կարող ենք բարելավել մեր լուծումները և դարձնել ձեր փորձը առավել արդյունավետ։ Ձեր կարծիքը կարևոր է, ուստի մի հապաղեք այցելել հարթակ ու թողնել ձեր առաջարկները այսօր։

ԹՈՂՆԵԼ ԿԱՐԾԻՔ