Ծանոթացեք ONLYOFFICE DocSpace 3.2 նոր հնարավորություններին՝ Դրամապանակ և Ծառայություններ, հրավերի կարգավորումներ և այլն

Նոր և բարելավված ONLYOFFICE DocSpace-ն արդեն հասանելի է՝ բերելով օգտակար թարմացումներ ամբողջ հարթակում։ Սկսած պարզեցված վճարային տարբերակներից մինչև փաստաթղթերի խմբագրման ընդլայնված հնարավորություններ՝ ահա ամենը, ինչ պետք է իմանաք DocSpace-ի վերջին տարբերակի մասին։

Դրամապանակ և Ծառայություններ

Այժմ կարող եք ձեռք բերել լրացուցիչ պահեստային տարածք ձեր DocSpace-ի համար՝ հեշտությամբ համապատասխանեցնելով ձեր բոլոր պահանջներին (0.14 ԱՄՆ դոլար՝ 1 ԳԲ-ի համար ամսական, նվազագույնը՝ 100 ԳԲ): Ապագայում հասանելի կլինեն նաև հավելումներ, ինչպիսիք են ԱԲ գործիքները, որոնք կբարձրացնեն ձեր աշխատանքի արդյունավետությունը։

Ինչպես գտնել՝ Կարգավորումներ → Ծառայություններ

Տարածության ձեռքբերումը դարձել է հնարավոր DocSpace Դրամապանակի շնորհիվ, որը ձեզ լիարժեք վերահսկողություն է տալիս վճարումներին և գործարքներին։

DocSpace Դրամապանակի հիմնական հնարավորություններն են՝

• Վճարային եղանակների ավելացում։ Վճարային քարտերի (Stripe-ի միջոցով) կցումը հեշտ է և արագ, ինչը թույլ է տալիս արագ կարգավորել ձեր Դրամապանակը։
• Մնացորդի համալրում։ Լիցքավորեք ձեր դրամապանակի մնացորդը ցանկացած պահի՝ ակտիվացնելով ավտոմատ համալրման տարբերակը, որպեսզի երբեք միջոցների պակաս չունենաք կարևոր պահին։
• Գործարքների պատմություն։ Հետևեք բոլոր կատարած գործարքներին՝ ապահովելով թափանցիկություն և ֆինանսական ավելի լավ վերահսկում։

Կարևոր է իմանալ՝ Startup սակագնային փաթեթի օգտատերերի համար անհրաժեշտ է նախ Stripe-ի միջոցով վճարային քարտի ավելացում՝ Դրամապանակի հնարավորություններին մուտք գործելու համար։ Իսկ Business սակագնով օգտատերերի դեպքում քարտը միացված է ավտոմատ կերպով, և հնարավորությունները հասանելի են անմիջապես։ Տարածության չափը կարող եք ավելացնել ցանկացած պահի՝ վճարումը կհամակարգվի ըստ ձեր հաշվարկային շրջանի մնացած օրերի։ Չեղարկելու դեպքում բաժանորդագրությունն ուժի մեջ կմնա մինչև ընթացիկ հաշվարկային շրջանի ավարտը։

Որտեղ գտնել՝ Կարգավորումներ → Վճարումներ

Խնդրում ենք նկատի ունենալ՝ Դրամապանակ և Ծառայություններ ֆունկցիաները հասանելի են միայն DocSpace Cloud (SaaS) տարբերակի օգտատերերի համար։

Հրավերի կարգավորումներ՝ մուտքի բարելավված վերահսկողության համար

Ստացեք լիարժեք վերահսկողություն այն հարցում, թե ով կարող է մուտք գործել ձեր DocSpace՝ օգտվելով նոր Հրավերի Կարգավորում հնարավորությունից։ Այս ֆունկցիան կազմակերպություններին թույլ է տալիս միացնել կամ անջատել ներքին օգտատերերի կամ հյուրերի հրավերի հնարավորությունը։ Այն իդեալական է նրանց համար, ովքեր ցանկանում են սահմանափակել մուտքի տարբերակները, օրինակ՝ թույլ տալ միայն LDAP օգտատերերի հրավիրումը։

Այս հնարավորությունը բարձրացնում է թիմի անվտանգությունը՝ ապահովելով խստացված մուտքի կառավարում՝ միևնույն ժամանակ պահպանելով ադմինիստրատիվ ճկունությունը։

Ինչպես գտնել՝ Կարգավորումներ → Անվտանգություն → DocSpace մուտք → Հրավերի կարգավորումներ

Բացահայտեք ONLYOFFICE Docs 9.0-ի ամբողջ հնարավորությունները

ONLYOFFICE Docs 9.0 -ն այս թարմացմամբ DocSpace-ում ներկայացնում է մի շարք հետաքրքիր ֆունկցիաներ՝ բարելավելով խմբագրումը, դիտումը և համագործակցությունը բազմաթիվ ֆայլերի տեսակների միջև: Վայելեք խմբագիրների վերջին տարբերակը՝

• Անթերի ինտերֆեյս
• Դիագրամների դիտում
• Markdown ֆայլերի աջակցություն
• OCR ֆունկցիոնալություն PDF-ների համար
• ԱԲ-ով աշխատող աղյուսակներ և մակրոներ
• Համատեղ խմբագրվող PDF ձևաթղթեր
• PDF էջերի վերադասավորում՝ քաշելով և թողնելով
• Աջից ձախ (RTL) ուղղության աջակցություն աղյուսակներում
• Եվ ավելին

Լրացուցիչ բարելավում ամբողջ հարթակում

Բացի խոշոր թարմացումներից, մի շարք փոքր, սակայն կարևոր փոփոխություններ ավելի մեծ վստահելիություն և ճկունություն են բերում ONLYOFFICE DocSpace 3.2.0 տարբերակին՝

• Նոր տեղայնացման հնարավորություններ։ Ավելացվել է ալբանականի (sq-AL) աջակցությունը, ինչպես նաև նոր ֆայլերի ձևանմուշներ կատալաներեն, չեխերեն, դաներեն, հունգարերեն, ինդոնեզերեն, ռումիներեն, ուրդու և ալբաներեն լեզուներով։
• Օպտիմալացված ֆիլտրեր։ Նորացված ֆիլտրերը վերացնում են ավելորդ գործողությունները, ուղղում ակտիվացված ֆիլտրերում առաջացող սխալները և կանխում կրկնվող հարցումները՝ ֆայլերի կամ մասնակիցների որոնման ընթացքում։
• Ստեղնաշարային սկրոլի կառավարում։ Նոր ֆայլերի վահանակում ստեղնաշարի միջոցով ավելի հարմար նավիգացիա, ինչը դարձնում է փաստաթղթերի օգտագործումը արագ և ինտուիտիվ։
• Ավտոմատ թարմացումներ անկայուն կապի դեպքում։ Եթե կորցնեք ինտերնետ կապը կամ առաջանա ուշացում, փաստաթղթերը կթարմացվեն ավտոմատ կերպով՝ առանց էջը վերբեռնելու անհրաժեշտության՝ պահպանելով աշխատանքային հոսքի շարունակականությունը։

Ձեռք բերեք ONLYOFFICE DocSpace 3.2 տարբերակը

Ամենավերջին թարմացումը արդեն հասանելի է ONLYOFFICE DocSpace Cloud-ի համար։ Մուտք գործեք ձեր DocSpace՝ փորձարկելու բոլոր նոր հնարավորությունները կամ ստեղծեք անվճար հաշիվ, եթե նոր եք ONLYOFFICE DocSpace-ում։

ՍՏԵՂԾԵԼ ԱՆՎՃԱՐ ՀԱՇԻՎ

Ինքնահոսթինգային տարբերակների համար նոր տարբերակը հասանելի կլինի մի փոքր ավելի ուշ։ Մնացեք կապի մեջ։